నీ స్నేహం

చలి గాలులు అనుకుంటున్న వేళ

అలసిన సూర్యుని నిద్రకు ముస్తాబవుతున్న వేళ

చల్లని సాయంత్రపు అందాలను చూసి చూడనట్లు

చూసే నీ నీలి కళ్ళలో దాగిన తారల వెలుగులు

మరుగున పడిన ముచ్చట్లు జ్ఞాపకాలు తిరిగి

వచ్చిన ఆ క్షణాలు మరువ తరమా...!

నిన్ను చూసిన ఆ క్షణం నా మది కాయను గాయం

మాట రాని క్షణం తెలుపలేని భావం

చూడగలిగే మనసుంటే అవధులు లేని

ఆకాశపు లోతులను తాకే మధుర అనుభవాలు

మరు జన్మకు దాచుకునే అంతులేని జ్ఞాపకాలు...!

ఆ రోజు మొదలు ప్రతి రోజు నీరాకకై

నిరంతర అన్వేషిణైతి నిన్ను చూసే ఈ క్షణం వరకు

మాటలకు అందని ఎన్నో భావాలను నీ కళ్ళలో దాచావు

నా మనసులో భావాలను సైతం అందుకోగలిగే నీవు నా స్నేహ హస్తాన్ని అందుకుంటావాని ఆశిస్తూ నేను...!