నేనే భారతీయుణ్ణి / i am indian

నేనే - భారతీయుణ్ణి

దైవాన్ని ధర్మాన్ని దైర్యాన్ని నేనే

ఎదిరించిన శత్రువుల కంఠాలని 

ఖండించే ఖడ్గాన్ని నేనే 

మనసు లేని మనుషులలో చైతన్యాన్ని నేనే

అనాధల అభాగ్యుల ఆక్రందన చల్లార్చే శాంతి నేనే

స్వేచ్ఛా భారతంలో స్వేచ్ఛ లేని సంఘజీవిని

నాలో విప్లవ శక్తులతో పోరాడే ఉద్యమ శక్తిని

కనిపించని సంకెళ్ళతో బంధించిన బంధాల బందీని

హద్దులు దాటి ఆ స్వేచ్ఛా స్వర్గంలోకి ఎగిరి పోదామనుకునే సామాన్యుని నేనే

అలుపు ఎరగని సూర్యుడికి సోదరుని 

మట్టిని నమ్ముకున్న శ్రామికుని 

కక్ష్యలు కార్పణ్యాలు తెలియని కర్షకుడిని

బానిసత్వాన్ని వారసత్వంగా తీసుకున్న భారతీయుణ్ణి నేనే

                                                              -- అప్పలరెడ్డి